Turstiar |
Turområdet kring Ænes og Mauranger er eineståande. Om ein går i lette sumarsko på god grusveg, eller om ein kliv seg opp mot høge utsiktspunkt med tung sekk, tvingar det visuelle bildet av den mektige og ville naturen seg fram.
Turane under stiller ulike krav til rørsletrening, men vil alle garantert gje deg minner å smaka på i lang tid framover. |
| |
|
|
|
| |
Når du har vandra så langt at du ikkje orkar gå eitt steg lenger, då har du vandra akkurat halvvegs av det du klarar. |
| |
Bygdalagsturane Turnemda gjer ein god jobb med å få bortskjemte (mhp turområdet) bygdafolk ut på tur. Kvart år merkar dei opp turtrasear som er ukjent for folk flest, og gjev oss turopplevingar til stader ein aldri hadde oppdaga forutan. Ofte blir ein leia mot stader som fortel ein historie. Tre av turane skal borna kunna meistra meir eller mindre på eigahand, og det vankar premiar på 17.mai for turglade born og vaksne. No kan endeleg fleire oppdaga dei tradisjonsrike bygdalagsturane. KART OVER TURANE NEDANFOR KJEM ETTERKVART!! |
| |
Bygdalagsturane 2010 Merka: Gjetingsdalen : Bakka - Bråtunsknotten Ja Nordrepollen: Fagerdalen - Markjelke Ja Kart Austrepollen: Sætermyro - Øvrehusknotten Ja Kart Sundal: Bondhus - Bondhusvatnet Ja Kart Ænes: Kyrkja - Vatnastøl Ja Kart |
| |
|
| |
|
| |
Andre turstiar Turane merka frå T1 til T8 er teikna inn på kartet her |
| |
 | | Sæla ved Ænes sætra |
Ænes - Sætra - Vatnastølen. T1 Tid: ca 45 min til Sætra, 2,5 t til Vatnastølen ein veg. Kategori: Passar for alle. Turen går på god traktorveg som følgjer elva som svingar lett innover dalen. Her er skogrikt og stille og ein føler på kroppen kor fint det kan vere 'å gå ein tur på stien og høyre skogens ro'. Vegen er velegna for sykkeltur. Innerst inne i dalen opnar landskapet seg ved Vatnastølen. Les meir om Ænesdalen på Kvinnherad Turlag.no |
| |
 | | Bondhusvatnet og breen |
Sundal - Bondhusvatnet - Vetledalen - Bondhusbreen T2 Tid: 0.5 t til Bondhusvatnet og 1,5 t til Vetledalen ein veg. Kategori: Passar for alle. Turistar har valfarta inn Bondhusdalen sida 1800 talet for å oppleva storslått natur. Turen er lett å gå, eller sykle på ein grusveg som ber på ei historie. Traseen vart i si tid nytta til å frakte eksklusive isblokker ned til fjorden, derav namnet Isvegen. Går du heilt inn til Vetledalen får du oppleva Bondhusbreen andlet mot andlet. |
| |
 | | Frå Hovden kan du sjå breen på nært hald |
Sundal - Fynderdalen - Pyttabreen T3 Tid: 2,5 t til Fynderdalen og 3,5 t til Pyttabreen ein veg. Kategori: Passar for alle med normal fysisk form, bratt opp lia langs elva. Du følgjer stien rundt Bondhusvatnet som turen over, men etter du har passert bruene som tar deg over Pyttaelva følgjer du stien opp langs elva. Vel framme i Fønderldalen vil du oppleve ei idyllisk atmosfære. Brevatn fossar ned steile fjell frå fleire kantar og blir samla opp i Fønderdalsvatnet, sauebjøller i det fjerne, vinden raslar i bjørkelauvet, tida står stille! Ein avstikkar til utsiktspunktet Hovden er naudsynt. Her ser du heile Bondhusdalen, eller du kan kikka på breen som virkar nærgåande. Turen går så vidare til Pyttabreen, Vestlandets mest bortgøymte brearm, dersom ynskeleg. |
| |
 | | Hidlarslistova |
Sundal - Gardshammar - Breidablikk - Fonnabu T4 Tid: 1 t til Hillerslistova, 3 t til Gardshammarsætra, 6 t til Fonnabu ein veg. Kategori: Normal fysisk form til Gardshammar, god form til Fonnabu. Turen er den mest nytta for å koma seg opp på Folgefonna. Ein kliv seg opp Hillerslia lettare en forventa, då Gardshammarveien, også kjent som Keisarstien, slyngar seg fram og tilbake med passeleg stigning. Eit stykke opp i lia ligg 'Hillarslistova'. Det er ein diger hedlar som er eit turmål i seg sjølv, berre 5 min frå traseen. Turen opp hit meistrar borna fint. Ved Gardshammarsætra har du ein fantastisk utsikt nedover Bondhusdalen og er ein naturlig rasteplass på vegen mot Fonnabu. |
| |
Meir detaljert omtale om denne turen samt turen til Hardingaskaret her |
| |
|
| |
 | | Pyttafloene på veg til Hardingaskaret |
Markjelke – Hardingaskaret – Hundsøyra 1464 m o.h. T5 Tid: 2,5 t til Hardingaskaret, 4 t til Hundsøyra ein veg. Kategori: Turen til Hardingaskaret krev normal fysisk form, til Hundsøyra god form, då det blir meir stigning og ein må forventa å gå attende også. Fantastisk utsikt utover fjorden frå Hardingaskaret. Turen er merka med dei kjende raude T-vardane. Beina tar deg raskt fram då det er god bergrunn å gå på i slakk stigning. Dette er også ein flott skitur om våren. |
| |
 | | Det heiter seg at når Såfossen (langs traseen) livnar om våren kan ein så i jorda |
Starten av den eldste rideveg over fonna: Austrepollen - Lonelia - Mysevatn T6 Tid: ca 2.5 t ein veg, T- merka. Kategori: Normal god form, varierande stigning. Parkering og start ved bompengebua, ein går så inn til tunnelopninga og følgjer grusveg til venstre. Bygdafolket har restaurert deler av stien, og lagt ned eit flott arbeid med ny bru og fleire opplysningsskilt. Når ein følgjer stien oppover ser ein restar etter flotte murar frå då ridestien vart laga. Når ein kjem til topps ved Mysevatn er det flott utsikt, og ein kan beskua moderne murarbeid, nemleg Statkraft sin steinfyllingsdam. Ein kan også gå vidare mot Hundsøyra og Folgefonna. |
| |
 | | Born og vaksne trivest på tur til Katturo |
Nordrepollen - Flatebødalen - Katturo T7 Tid: 1,5 t ein veg Kategori: Passar for alle, spesiell fin tur for borna. Start frå Flatebø eller Træ på venstre side av grustaket. Ein går så attmed Tveitelva innover Flatebødalen og kjem så til stølen Katturo. |
| |
 | | Norddalsvatnet frå sæla i innste enden |
Gjetingsdalen - Norddalen T8 Tid: 1 t ein veg Kategori: Passar for alle. Starten går frå garden Bakke i Gjetingsdalen, og ein går først på traktorveg. Når ein kjem litt innover kan ein svinga til venstre og gå utover mot Utigardssæter og Måvatn. Fortset ein innover kjem ein til Sjåhaug, derifrå ser ein Norddalsætra som ligg på ei lita høgd i dalbotnen, omkransa av toppar som Solbjørg 1300moh, Djupeskardknotten i nordaust og Storafjellet i søraust. |
| |
|
| |
|
| |
 | | Gygrastol |
Toppturar Er du ein av dei som samlar på toppar å bestige finn du mange gode alternativ i fjellheimen her. Desse turane kan det vere lurt å ha med kjentsfolk, for å unngå å gå i skårfestet. Ænes - Gygrastol 1308 m.o.h Sundal - Nipafjellet 919 m.o.h Fynderdalshorga 1448 m.o.h Austrepollen - Ripelsåta 1087 m.o.h Nordrepollen - Reppakruna 1075 m.o.h |
| |
|
| |
Husk ! Lat att grindane og hald hunden i band God tur ! |
| |
|
| |
Ingen kjem til fjells på ein flat veg! Visdomsord |
| |
Nu er jeg staalsat, jeg følger det bud at i høyden vandre! Mitt lavlandsliv har jeg leved ud. Her oppe på vidden er Frihed og Gud. Der nede famler de andre. Henrik Ibsen Tap for all del ikke lysten til å gå. Jeg går meg til det daglige velbefinnende og går frå enhver sykdom. Jeg går meg til mine beste tanker, og kjenner ikke en tanke så tung, at man ikkje kan gå fra den. Når man slik fortsetter å gå, så går det nok.
Søren Kirkegaard |
| |
|
| |
|
| |
|
| |
|
| |
|
| |
|
| |
|
| |
|
| |
|
| |
|
| |
| |
|
|
|
