Verteikn

(sist oppdat. 14.01.08)

Teikn på dårleg ver i vente

Når det legg seg ein skoddadott borte ved Bergsfjell (mellom Austrepollen og Nordrepollen) er det teikn på verskifte.

Longagjels-floken gjev ettermiddagsregn.

Ein skybanke over Longagjelet (ligg på Bondhus over Kolltveit ) kjem då inn frå Rosendalsområdet, og då er det på høg tid å få inn tørrhøyet.
 

Når isen i Bondhusbreen er mørk på farge, blir det styggaver.

Når solgangsbrisen / havgula ikkje stilnar av om kvelden, blir det verskifte. 

Flyg svala lågt blir det regn.

Eik før Ask blir plask (regn)

Midtvinter 12. januar - i dag den halve vinter går, men største kulden atterstår.

Kyndelsmesse 2 februar - Denne dagen kan ein venta hardt ver, mildver er godt teikn.

Gregormesse, 12. mars - regn denne dagen, gjev regn i sju veker.

Sommarmålsdag, 14. april - frys det sommarnatta, blir det kaldt om sommaren.

Mari Vassause, 20 juli - regn denne dagen,  gjev regn i mange haustveker

Mortensdag, 11. november - er dagen klår, blir vinteren hard.

Teikn på godver i vente

Ask før Eik blir steik (solskinn)

Ved veksande måne og fullmåne. (Følg med på kalendaren, og planlegg hageparty

på dagar som inneheld fullmåneteiknet O )

Blåmess, 3. februar - vind på denne dag, varslar ein god sommar.

Korsmesse, 3. mai - då skulle gauken til å gala, då vart det sommar og eit godt år.

Barsok, 24. august - er dagen klår, kan ein venta ein klår haust.

Andre verteikn

Jonsok, 24. juni - som jonsokveret er, skal haustveret bli.

Jakob Våthatt, 25. juli - veret på denne dag, vil vara ein heil månad.

Mikkelsmesse, 29. september - då kom frosten.

St.Mogens, 21. oktober - kjem eg med linnver eller regn, kjem eg sidan med hemn!

Simonmesse, 29 oktober - Denne dagen kunne ein forventa vinterver og sledeføre.

Julafta, 24. desember - julenatta med dråpar, nyårsnatta klår, det vert eit godt år.

Er det mykje rognebær blir det lite snø ( treet tåler ikkje to bører)