AUSTREPOLLEN

Mauranger kraftstasjon

Frå bjørneskyttarar til anleggskarar

Kraftutbyggjarane kasta tidleg augo på vassdraga i indre Mauranger.

Kraftutbygging snudde på kort tid det gamle bondesamfunnet i Austrepollen

på ende.

Bygda fekk veg, og Mauranger Kraftstasjon vart skoten inn i fjellet,

stasjonen stod ferdig i 1974. Det vart også laga anleggsveg til

Rednedalen og damanlegg ved Mysevatn. Utbygginga førte

til nedgang i jordbruksproduksjonen, for mange fekk sitt daglege

arbeid ved anlegget.

30 år seinare intok igjen anleggsmaskinane den vesle bygda,

då stod bygginga av den 11 km lange Folgefonntunnelen for tur.

Den vart opna i 2001, og går under fonna til Odda. 

Gjerdetunet

Gjerdetunet

Gardstun med røykstove og tradisjonelt innbu, og eit stabbur frå 1588.

Tunet er spesielt kjent for sine sagnomsuste bjørneskyttarar, og

børsene dei brukte er framleis på tunet, kvar bjørnskinna er blitt av

veit ingen.

Gjerdetunet blir drive av Sunnhordland Museum, og ein får omvisning

etter nærare avtale.

Siste generasjon driv framleis garden i Gjerde, og i tillegg til

gardsdrift er det starta eige minikraftverk.

Les meir om Gjerdetunet her.

Øvrehus hytter

Ferdavegar til Folgefonna

Den første ferdaveg over fonna gjekk frå Austrepollen, via Lonelia,

Mysevatnet og Hundsøyra. Lokale krefter har rusta opp og merka

deler av stien. I dag er det mest vanleg å køyra anleggsvegen til

Rednedalen, som er eit godt utgangspunkt for ein rask og bratt tur

til Fonnabu.

Ynskjer du å ta ein lengre stopp i bygda kan du kjøpa fiskekort for å prøva

fiskelukka i kanalutløpet frå kraftstasjonen, eller leiga hytte hjå Anny og

Sverre Øvrehus.

(Foto: © E.Sundal)